Slogan plus populair lor Facebook Maurice li rend nu gato ek jus dan la cantine meme. Ena ene ti tension koter ban zenfant ki p rode zot gato. Preske zot tou coner ki ban la cantine dan lekol nepli kapav vend ban gato initile kuma twisties, christelle, chewing gum etc. Li definitivement ene bon decision ki government in prend. Vaut mieux prevenir ki guerir. Boku zenfant a pe commence vin obese ou meme diabetique. Nu bizin prend compte.
Zot tou aussi coner ki la cantine bizin vend patate bouie, manioc boiuie, mai bouie…. D’apres zot eski zot penser vraimem ban zenfant pu content galouper al aster patate bouie? Li ene question de facon de manger, ek nu kiltir manger in changer. Eski nu en temp ki adulte zordi pu demain dire nu commence mange manioc bouie, nu pu kapav ou byen nu pu envi? Li zis ene question de reflexion.
Enkor ene zafer, ban la cantine pas gagne droit vend ban jus, au moin mo penser zot kapav fer just perce. Li zis ene suggestion. Mo penser bizin ena ban manger ki equilibrer ek kipu fer zenfant envi manger.
Entre temp problem la li pareil, akoz ¾ parents pas pu envie zot zenfant mange manioc bouie ek pu aster gato en dehors lekol. Ek lor televizion in mem montre un MOMMY fierment p dir lin aste gato diluil en dehor lin amen pu so zenfent.
En passant eski ban pistache bouie, manioc etc li hygienic en terme:
- Eski pistache la marchand p byen lave li avant bouie?
- Eski pena delo ki degouter dan ban zafer ki p bouie?
- Eski ban receipient ki p servi prope?
Concernant roti, dhall puri ek ti puru, eski p prend tou precaution ki ca ban manger la pas gater? Ena foi ti puri lor la rue p gagn gout pouri mem!
Eski p fer ene check dan place kot p prepare ban manger la? Eski ban dimoun dan la cantine p servi le gant etc?
Further Stories For You:
Leave a comment via Facebook
Stories From Our Partners
| Feedbox |
Aisha
ahahahahahaa, tipuru made me lmmfao!!!!hahahahahaahahahahahahahahahahahaha
Web Design Mauritius
Monn deza met enn l’accent lor sa problem la avant lor IC ek li importan ki to fer ressortir ban probleme higienn ki kapav ena lor sa ban kaliter la vente manzer la. Sa ki bizin pran an considerasion oussi, se ki ban fast food in vinn enn way of life moris. Paran amen zot zenfan manz kfc ek macdo tou le tan. Ban la inn arret fer zenfan gayn gou bon legim ek manzer. Mwa oussi mo contan enn ti manzer bien gra de tan en tan selma la, bann zenfan gayn sa tentasion la tou le tan dan lekol. Kiltir malbouf pe fer ek zenfan pou continier vinn pli gro. Si dimoun pa fer nanier, nek attan 10 an ek nou pou guet ban zeness gayn laret kardiak lacoz kolesterol ek diabet.
Enn coter li triste, lot coter mo penser mo pou gayn envi dir bann la: “b kan ti dir ou manz pli ekilibrer zoreil ti bousser?”
.-= Web Design Mauritius´s last blog ..Helpful cheatsheets for front end development. =-.
Vasco
@Web Design Mauritius,
hoho …mo kwoir si nu continuer manZ fast food “” nu pu doubler l’amerique en terme de grosseur”" lol
mais oui mo d’accord ….dabord li n question culture …dpi nu zenfen nu manz gato piment …samousa ….gato lichou ..etc…. si nu arete manz sa b nu culture pu effacer peu a peu …b vinne n global culture kot nu Mru nu pena n sens d’appartenance…
zot vraiment envi vinne americansky? ….gro rempli de Macdonald?
.-= Vasco´s last blog ..Re: Happy Birthday Zlug!! =-.
Kurt Avish
Non. Enfait la loi la p dir pa mange dan lekol… li pa p empeche dimun mange dan so lakaz ou dehor. Gato piment bajia tou sa li dan nu culture nu pa kav kite sa. Mo mem mo prefer un ti di pain gato piment dan gramatin. Mai dan lekol banla abuse impe plus. Zot cone jst zenfant sa…ek ena la contine ki pa mem change deluile pendant un semain…ajoute bruler la dan mem jska dipain ffrir senti pi deluil ek zot couvert sa loduer la ar satini lol.
Par contre un marchand dan bord chemin li van buku gato par jour…alor li oblize change so deluile aleast lor each half day or once a day. Aster lot cote si un dimun envi mange gato la so lakaz…li ena droit sa. Mo prefer un dipain frir lakaz ki un dipain frir la cantine lekol lol.
Kurt Ulrich Avish
Operation Ran Nu Gato Dan Lecole Maurice http://wp.me/ponKy-1v7
Iya
RT @kurtavish: Operation Ran Nu Gato Dan Lecole Maurice http://wp.me/ponKy-1v7